ഇന്ന് ജൂണ്‍ 5, മനുഷ്യന്‍ പരിസ്ഥിതിയുടെ മേല്‍ കാട്ടിക്കൂട്ടുന്ന വിക്രിയകള്‍ മൂലം ഹരിതഭൂവിന്റെ നിലില്‍പ്പിനെക്കുറിച്ച് ലോകമെങ്ങും വീണ്ടും വീണ്ടും വിളംബരം ചെയ്ത് ഓര്‍മ്മിപ്പിക്കുന്ന ദിവസം."ഇനിവരുന്നൊരു തലമുറയ്ക്ക് ഇവിടെ വാസം സാധ്യമോ" എന്ന കവിയുടെ ആകുലതകള്‍, എല്ലാ മനുഷ്യനും മുദ്രാഗീതങ്ങള്‍ പോലെയോ,താളമുള്ള ഈരടിചൊല്ലിപ്പോകുന്നത് പോലെയോ പാടിപ്പോകാതെ അവയെ നെഞ്ചേറ്റാന്‍ മറക്കാതിരിക്കേണ്ട കാലം.ഈ ദിനത്തില്‍ കുട്ടികളില്‍,വരും തലമുറയില്‍ പാരിസ്ഥികബോധം വളര്‍ത്താനുംപ്രകൃതിയെ സ്നേഹിക്കാനും പഠിപ്പിച്ച് പുതിയ ലോകസൃഷ്ടിക്കായി ഗവണ്‍മെന്റും വനംവകുപ്പും വിദ്യാഭ്യാസവകുപ്പും ചേര്‍ന്ന് കുട്ടികള്‍ക്ക് വൃക്ഷത്തൈകള്‍ വിതരണം ചെയ്യുന്നു.
ഇതിന്റെ ഭാഗമായി ജിവിഎച്ച്എസ്എസ് ഫോര്‍ ഗേള്‍സില്‍ നടന്ന വൃക്ഷത്തൈകളുടെ വിതരണോദ്ഘാടനം പിടിഎ പ്രസിഡണ്ട് ശ്രീ.പുരുഷോത്തമ ഭട്ട് നിര്‍വ്വഹിച്ചു..ഹെഡ്മാസ്റ്റര്‍ ശ്രീ.ഇ വേണുഗോപാലന്‍ പരിപാടിയെ കുറിച്ച് വിശദീകരണം നല്കി.വിഎച്ച് എസ് ി പ്രിന്‍സിപ്പാള്‍ ശ്രീമതി ബിന്‍സി ടീച്ചര്‍,അധ്യാപകരായ രമേശന്‍ പുന്നത്തിരിയന്‍,അനില്‍ കുമാര്‍ കെ,അബ്ദുള്‍ ഗഫൂര്‍ എന്നിവര്‍ സംബന്ധിച്ചു.സംഗീതാധ്യാപകന്‍ ശ്രീ വിഷ്മുഭട്ട് വെള്ളിക്കോത്ത് പരിസ്ഥിതി പ്രതിഞ്ജ ചൊല്ലിക്കൊടുക്കുകയും പരിസ്ഥിതി ഗീതം ആലപിക്കുകയും ചെയ്തു. പരിസ്ഥിതി ക്ലബ് കണ്‍വീനര്‍ ശ്രീ ഗോപിമാഷ് നന്ദി പറഞ്ഞു.
No comments:
Post a Comment